幾年前的東西‧其之三

23-1-2005

到了一月底才第一次在2005年更新
果然寫日記對我這種凡事三分鐘熱度的人來說，是行不通的．．．
以後就改為隨筆誌吧．．．

本月18日，我的兩位中一認識的同學結婚了
當然，是一男一女
雖然認識的日子挺長，卻算不上是十分親密的朋友
故此，我也只是參加了晚上的婚宴而已
結婚，看起來真的好幸福呢！！！

可惜，背後的問題也挺大
結婚，意味著要有一套新屋子
當然，去租也可以，但似乎新婚的人都傾向於買
問題就是稍為寛一點的房子太貴
而兩個年輕人的收入也不高
我想，這也是許多香港人遲婚的原因
於是，我就問男方，以後的生活打算怎么過
男方看來準備十足，答道：我父母有一套房子空著．．．

由於我家里沒有一套自己的房子
看來，我只好去找一個家里有多一套房子的女朋友了

以下是今天看到的文章，轉貼而已，不要問我意見：

一，仍然有學校體罰時，是指明只可罰男不可罰女直至九一年九月，才全面禁止體罰學生，即係而家好多青年既童年都受過，所以你唔好以為係好年代久遠、好咸豐年的事。就算冇喱樣野，但同樣犯規，男生比女生罰得較重這種事，也一定有吧！！！

二，好多勞工法例，都係「保護婦孺條例」，只對「女性僱員」提供保障，男仔冇份. 例如最高工時、做幾耐要畀幾耐break time等. 這不單是女性的需要吧！！但偏偏只是保障女性！！(九七年七月，特衰政府剛成立之初有關條例被指抵觸「性別歧視條例」，而遭廢除！！點解要廢除，而唔係保障埋男性?很明顯，「反性別歧視」只係藉口剝削勞工至係真目的!!!本來這特衰政府(狗) 官(奸) 商勾結，從冇把勞工階層當係人剝削基層已是司空見慣，但點解當年要咁樣立法？？)(詳情請按此處)

三，逢親乜桃色糾紛，梗係乜都話係男人既錯。鐵証：
陳健康事件，全世界一味對佢瘋狂圍剿, 但對佢個「丁蟹」老婆，就一D批評都冇，反而一味同情、憐憫，甚至「殺子可以理解」，陳健康「害死妻兒」...…

這其實是因為一有桃色糾紛、男女間的瓜葛女人一定幫女人，男人不一定幫男人為甚麼呢？ 我認為有兩個原因： 1.男性不及女性團結，甚至會為討好異性而損害同性. 即使對受討好的異性並無企圖，即使和受害的同性無仇無怨 2.香港女權太高漲，某些男性想為同性講說話也不敢，否則會被女性視作公敵。

四，不時有一些消費優惠只對女性提供，最常見莫過於某些Disco、酒吧的 「Ladies Night」雖然已有「性別歧視條例」管制. 但充其量只能令有關機構作些「應酬式」的改善. 例如：原本只對「首X位入會女士提供A優惠」在「性別歧視條例」管制下，再加「首Y位入會男士可享B優惠」.當然「Y人數」遠較「X人數」少，「B優惠」亦遠不及「A優惠」豐富. 例如：「首一百位入會女士入會費全免、首五十位入會男士入費半價」.(我真的見過類似廣告，好像是健身中心的)

五，男對女好、男對女遷就、容忍是「應份」；女對男好、女對男遷就、容忍是「恩賜」。女人的要求，就叫「應份」；男人的要求，就叫「過份」。鐵証： 1.逢世界杯，全世界都話：「做人男友要識做，唔好掛住睇波泠落女友」。 不過，鐵達尼號大熱時，無數為人男友悶死之餘仲傾家蕩產，仲有坐完三粒鐘後， 隔離果個極可能已「毛毛雨」甚至「傾盆大雨」又要花心機琑番！！ 有D仲橫蠻到因為男友 搵唔到根本唔存在既五粒鐘版而大發爛渣...... 仲有史諾比事件，被女友勒令梗足廿八日，浪費金錢時間兼喉嚨痛狂爆暗瘡者， 大不乏人！ 然而，在鐵達尼和史諾比事件期間，傳媒和大眾的反應卻是靜如深海，彷彿一切是「應份」！！ 世界杯時滿口「做人男友要識做」.鐵、史事件其間有提過半句「做人女友要識做」嗎？？？果然，女人的要求(鐵達尼，史諾比)，就叫「應份」；男人的要求(世界杯)，就叫「過份」. 男遷就女，陪睇鐵達尼(仲要破財)係「應份」.女遷就男，陪睇世界杯(免費娛樂)係「恩賜」 。

六，好多野，「責任男人負，功勞女人領」。好似養兒育女、擔起一頭家的責任總是父親較大，(還有你在街上留意一下，可能因女權太高漲, 現在的年輕夫婦，??抱仔的、推BB車的，已經多是男人) 但你只會聽到「世上只有媽媽好」，「媽媽真的愛你」爸爸不知去了哪裡，大眾、傳媒對父親節、母親節的反應可以說是天淵之別！(哪個反應大得多？不用多說吧) 又如「浪漫」喱樣野，冇男人D心思同銀兩，我睇你點「浪漫」！！！但如果你問人「男人定女人浪漫D？」答案相信不用多說，一定答女人，但如果問「製造浪漫既責任男人大定女人大？」又會點呢？

七，好多公共浴室、更衣室(例如學校、泳池果D)女仔果邊個個間開一格格，仲格格有廉遮住，但男仔果邊，唔好話浴廉，連間格都未必有。大細超！難道男性不需私人空間嗎？？？？ 其實和同性的距離，男性要比女性大(又是因為「男性不及女性團結」)和同性作親密身體接觸，是女性專利，例如跳齋舞、手拖手行街、玩超級無敵夾死你(麵包),玩一級奸爸爹中的水中接吻.......等. 女性之間可以做，但男性之間可以嗎？！ 可見在同性面前，男性比女性更需私人空間. 但現在卻是本末倒置！！

八，不論是男多女少或女多男少的場合，男性總是好像是蝕底的一群.如：男校女生是「公主」(不用多說吧) 女校男生是「奴僕」.冇人願梗既豬頭骨，就被屈去行先死先，肥豬肉呢？lady first！！最後至到你！！！ (又是因為「男性不及女性團結」男校內，男生為討好男校女生而作賤自己, 但女校女生卻絕不會如此)

九，甚麼「好男不與女鬥」、「男人要大量」， 都係「男人有義務被女人老屈仲要啞忍」，「女人有特權無理打男人，男人有義務捱打」的美化版.

十，常聽人說：「係咪男人黎架？！咁唔負責/講左又唔做/咁優柔寡斷/冇義氣.. 」又或「男人大丈夫，要有責任心/講得出做得到/堅定決斷/有義氣…」言下之意，是否女人就有「唔負責/講左又唔做/優柔寡斷/冇義氣」既特權？？ (↓以下是有關雙重標準的↓)

十一，女性可穿梭傳統和現代的社會標準 盡享兩者好處，而男性不可，例如： 1.一班年青男女去camp，煮食、洗碗等時女的就大叫：「我唔識煮食、洗碗呀！而家男女平等，點解仲要規定女仔一定要做喱D野呀？」哈！「男女平等」！！搬重物、紮營、透爐果陣唔見佢咁講！！！(所以去camp既工作，幾乎乜都係男仔做哂....) 2.一邊要「不是弱者」的權利. 但又要受「作為弱者」的額外保護！！既然女人不是弱者，何解： i.女人仲要受保護，要男人接送？ ii. 對於傳統上的男性工作，艱苦勞動、厭惡性、危險和地位低的，如三行、五金、地盤工人、車房仔、打仗時當兵送死......女人從不介意是男性專利； 但地位崇高的專業，如飛機師、工程師、政府高官、行政人員等，就要「平等」 iii.牐上面對於高級既野，就「女人不是弱者，男人做的女人也可以做」.對厭惡性、危險、艱苦勞動的工作，就「有冇搞錯呀，要我地女人做喱D野，你係咪男人黎架……」 iv.女人仍可使用眼淚作武器，而不和男人一起「有淚不輕彈」？ v.面對困難挫折，女人可以大叫「我係女人黎架！要人關心架！」但男人就要獨自面對困難挫折，求助就係「冇出息」？ vi.男人對同性可粗暴無禮，對女性就要低聲下氣？